كان ياما كان.. أكبر موالس في الزمان قال عن الريس:مسكين ضعيف محروم من طشة ملوخيه..عمال صحيح بيعوم فوق البلد ديا
يقتل شباب البلد..يحبس ولاد البلد..ينهب ف خير البلد..لكن يا عين محروم..طشة ملوخيه
يقتل شباب البلد..يحبس ولاد البلد..ينهب ف خير البلد..لكن يا عين محروم..طشة ملوخيه
مش عايز احكيلكوا حكايه
عن قط وعايش ف سرايا
كل حيطانها مرايا مرايا
عايش كل حياته بيلحس
وبشنبه بيرسم ف مرايته
ويشوف نفسه أسد مش قط
لما يشوفها جميله وصافيه
يفرح وسط الناس ويزقطط
واما يشوفها كئيبه وطافيه
يشتم كل الناس ويلخبط
الحدوته قديمه تافهه
خلصت حتى ف نص الصفحه
كل فصولها نط ف نط
لما ف مره شباب وقفوله
هتفوا ف وسط الناس وقالوله
بطل لحس وخيبه يا شحط
قال لمرايته دا جيل منحط
قلبوا سرايته عليه ومرايته
خلوا قفاه ف دقيقه منط
والله يا قط صحيح مكسوف لك
مبقاش لا مرايا ولا سرايا
شنبك حت زهق من وشك
مبقاش قابل حتى يخط
وانا مش طايق حتى أكمل
واتكلم عن كلب وقط